ناس كتير اتكلمت عن فحوى خطاب السيسي اليوم في الندوة "التثقيفية" للقوات المسلحة المصرية و تداولوا دعما أو رفضا أو سخرية مما قال...
أنا حبيت أفهم الكلام بنفسي, فتجاهلت ما قيل و جبت الفيديو و اتفرجت عليه....
قبل ما أتفرج دي تحفظاتي
* أنا مبحبش السيسي... مبحبش طريقته في الكلام... لا أعتبره سياسي من الأساس
* أنا مبحبش السيسي... مبحبش طريقته في الكلام... لا أعتبره سياسي من الأساس
و بدأت أتفرج مع الوضع في الإعتبار التحفظات السابقة و لي الملاحظات التالية:
* السيسي و قف و أوقف الحضور حداد على أرواح الركاب في الطائرة الروسية المنكوبة.. و دة شيء طبيعي. بس هو قال "إننا مش عاوزين نتكلم بدون معلومات عما حدث" في ظل قلق - و لو ضئيل- من مسؤولية التيارات الجهادية الداعشية عن الأمر هذا الكلام غير موفق... ينبغي إنه يدي توقيت واضح -زي ما بيدي توقيتات واضحة و إن كانت غير منطقية و لا عملية برأيي للمشروعات اللي بينفذها- لإمتى هنعرف معلومات في موضوع مهم و حساس زيي دة
* السيسي إتكلم عن أهل الشر و خلافه... يا ريت يبطل الكلام الفارغ دة... أسلوب التلقيح و عن المبني للمجهول بصورة دائمة ممكن يبين إنك كبير و غامض كدة لما تكلم إبن أختك عن مغامراتك في ثانوي مش لما تكون بتمثل مصالح دولة
*إتكلم عن الكهربا و حجم الطاقة اللي دخلت على الشبكة و اللي هتدخل حتى مايو 2017 و دة كلام كويس و توضيح بالأرقام -ينبغي أن يكتفي بذكر الأرقام لأن هرتلته الجانبية أصبحت لا تطاق و أكثر مما ينبغي... بقت شبه مرسي و ربنا-...
*موضوع "كلنا على قلب رجل واحد" دة بيكرره بصورة أصبحت غير مريحة... ما هو المقصود بدة؟ يعني عاوز إيه...
*قال إننا هنرجع بالأمن الجنائي لما قبل 5 سنوات... يا ريت والله حد يفتكر الأمن الجنائي كان عامل إزاي من 5 سنوات؟؟؟ أيوة... بالضبط... كان بلا وجود زي دلوقتي و أزعم أن الأمن الجنائي يمكن تتبع بعضا من آثاره قبل 15 عاما أو يزيد و ليس أقل من ذلك أبدا
*قال "بنهاية نوفمبر الحالي لن تكون هناك مشكلة غاز لا للمستثمر الحالي ولا للمستثمر الجديد".... الحقيقة دة كلام غريب... للمعلومية في عدد من مصانع الأسمدة الأسمنت و الحديد "كثيفة الإستخدام للغاز" متوقفة تماما أو تتناوب التوقف لتوقف إمدادات الغاز. للتذكرة, حكومة نظيف ووزير بترولها نشروا أرقام إحتياطي "كاذبة" للغاز في مصر تمثل أكثر من ضعف الأرقام المكتشفة في ذلك الوقت و مارسوا ضغوط على الشركات الأجنبية لإعلان أرقام غير حقيقية يعني بإختصار هناك تاريخ مثبت لكذب الحكومة... و دة كان سبب جزئي من مشكلة الغاز اللي إحنا فيها قبل تشغيل حقل شروق- ودة لسة بدري عليه-... من أين حللت مشكلة الغاز يا هذا؟؟ هل إستوردته؟ منين؟ بكام و كمية قد إيه؟؟ و لا برضو أهل الشر مانعينك تقول يا حويط؟
*لا خلاف على الأهمية القصوى و الحرجة للبنية التحتية... بس الأموال اللي بيتم تمويل البنية التحتية بها هي أموالي و أموالك... كيف تم إنفاق هذه الأموال و في أي إطار و من راقب إنفاقها في ظل فساد مالي مستشري في كل المؤسسات بما فيها المؤسسة التي تشرف على كل هذه المشروعات؟ و من أقر العبء المالي المترتب على قروض تم أخذها لهذه المشروعات سيدفعها أبنائي و أبناؤك؟؟
*سؤال جانبي.... هو بيخاطب مين؟ "أنا واحد منكم".... "جبتوني و قولتولي خلي بالك فأنا بأخلي بالي..." إلخ... بيخاطب مين؟ المواطنين الذين إنتخبوه؟ أم زملائه في القوات المسلحة؟
*أما ما قاله بخصوص الإقتصاد و حماية الأموال و حرية حركتها فلا يستحق التعليق الحقيقة... أي حد بيشتغل في تجارة الكبريت حتى عارف الوضع الحالي عامل إزاي... دعوه في كوكبه عهذا الكلام غير صحيح على أقل تقدير إن لم يكن كذبا صريحا
*"آحر الشهر دة, هتكون الدولة خلصت تدخلها لتقليل الأسعار بشكل مناسب".... إزاي؟ منين؟ بتكلفة إيه؟ مين اللي هيحل يا ريس؟ الدولة و الجيش... على اعتبار إن الدولة منفصلة عن الجيش... و ربما يكون
...لا أعرف ماهية قياس الأسعار و ما هو المستهدف من التدخل و كيفيته... بس هو غالبا هنشوف مع بعض كلنا و الريس ساعتها هيطلع يعملنا كلنا "بخخخخخخ"
...لا أعرف ماهية قياس الأسعار و ما هو المستهدف من التدخل و كيفيته... بس هو غالبا هنشوف مع بعض كلنا و الريس ساعتها هيطلع يعملنا كلنا "بخخخخخخ"
* هو محق في ما قاله عن النمو السكاني... و الدولة لم تتدخل بأي أداة مالية أو ضرائبية - مثلا- للحث على إتجاه معين
* ما ذكره بخصوص مدينة الأثاث شيء كويس و أفلح إن صدق
* كل ما سبق كوم و ما قاله عن الإعلام و الصحافة كوم... فخامة الرئيس مستاء جدا من إن الصحافة تذكره و تسأل أين هو مما حدث في الإسكندرية!!! و اللي طالع عليه "إيه دة... ميصحش كدة" "إنتوا بتعذبوني إني جيت وقفت هنا"... طبعا يا ريس ميصحش... حطه في النوتي كورنر... حاجة لطيفة جدا... اتفرجوا من الدقيقة 47 كدة...
*الريس بيسأل نسبة المشاركة عندنا كام و برة كام... أحب أقوله عندنا المشاركة 25% و متوسط المشاركة النيابية في العالم 62%.. بس الحمد لله هو شايف إن التحديات اللي عندنا أكبر من مين نزل و مين منزلش... أنا برضو شايف كدة
*آخر جملة في الحوار كاشفة والله "قالك يا عم إنت بتسافر كتير ليه... يا عم خليك في اللي إنت فيه... هههههه... مش ممكن"
السياسي الذي لا يذكر أرقام هو بالضرورة كذاب
ملخص الكلام بالكامل بعد سماع كل الخطاب
في تحديات... عاوزين أمل و قولوا للناس حاجات حلوة... بدون أرقام و لا توضيحات و هو كدة و خلاص... محدش يجيب سيرتي و إيه دة ميصحش كدة.... لا تختلفوا... كله لون واحد و شكل واحد و رأي واحد.... محدش له دعوة أنا بأعمل إيه...
في تحديات... عاوزين أمل و قولوا للناس حاجات حلوة... بدون أرقام و لا توضيحات و هو كدة و خلاص... محدش يجيب سيرتي و إيه دة ميصحش كدة.... لا تختلفوا... كله لون واحد و شكل واحد و رأي واحد.... محدش له دعوة أنا بأعمل إيه...
الفيديو أهو.... http://www.klma.org/video/47402
ليست هناك تعليقات:
إرسال تعليق